Lanrezistreman pou benefisye anba progranm Tanporer pou siport bann ki saler i pli ba pou aparti semenn prosenn, ganny fer dan Mardi ek Merkredi, ant 8er a 4er apremidi.
Manm piblik pe ganny demande pou al anrezistre dan Biro Ladministrasyon Distrik.
En dimoun ki kalifye anba sa progranm i bezwen anrezistre zis en fwa, amwen i annan sanzman dan son kondisyon lanplwa.
Manm piblik ki kalifye anba sa progranm, pe ganny demande pou anmenn avek zot, zot, Kart Idantite Nasyonal ki valid, zot dernyen ‘pay slip’, e zot kart Labank ki annan tou zot detay.
Pour bann ki pe vin anrezistre pour sa siport adisyonel pour elektrisite, zot bezwen anmenn avek zot sa bann dokiman swivan: Kart Idantite Nasyonal ki valid, zot dernyen ‘pay slip’, e zot kart Labank ki annan tou zot detay ensi byen ki zot dernyen bil elektrik.