Progranm Tanporer pou siport bann ki saler i pli ba – Peyman pour mwan Novanm
November 30, 2022
Manm piblik pe ganny enformen ki peyman pour mwan Novanm, anba ‘Progranm Tanporer pou siport bann ki saler i pli ba’ in konmanse e pou ale ziska le 01 Desanm.
Si aparti le 2 Desanm ou annan okenn konsern ou kestyon lo peyman, silvouple kontakte nou atraver
- Email: TGMSenquiries@gov.sc ou;
- Telefonn: 190 (Cable and Wireless) ouswa 2606368 (Airtel)
Manm piblik i annan ziska le 09 Desanm pou anmenn okenn konsern devan ki relye avek peyman pour mwan Novanm anka nou anrezistre okenn omisyon ki valab, pour nou rektifye. I enportan ki sa dat i ganny respekte pour asir peyman valab.
Minister Finans, Planifikasyon Nasyonal ek Komers i oule enform tou bann travayer dan sekter prive ki’n anrezistre anba sa progranm ki i enportan ki zot enform lotorite lo nenport sanzman dan zot saler ou dan zot kondisyon, pou asire ki tou laplikasyon i an konformite avek dokiman legal ki ti ganny sinnyen pandan legzersis lanrezistreman dan Biro Ladministrasyon Distrik.
Sa i kapab ganny fer atraver Email ou nimero telefonn, trouve anler.