Sekreter Prensipal Komes i donn plis detay lo sa SR100 fre ladministrasyon
January 10, 2020
Dan en konferans lapres, Sekreter Prensipal pou Komers, Cilia Mangroo avek Komisyonner par Enterim Customs, Francois Ally inn donn plis detay lo sa SR100.00 kinn fek ganny entrodwir pour bann pti pake ki dimoun I fer vini oubyen aste lo internet. P.S Mangroo inn dir ki sa ‘procesing fee’ I pa nouvo, e inn anan en nesesite pou fer li akoz I anan depl-z-an pli plis sa ki apel ‘small packets’ ki antre. E sa I dir I vinn en kou adisyonnel lo gouvernman, e se pour sa rezon ki sa SR100 inn bezwen ganny entrodwir. Sa pe al kouver fre administrative.
E lo sa note, P.S Mangroo inn demann bann servis kouriye pou onor zot bann lobligasyon anver zot kliyan; olye fer sa bann kliyan vinn kot erport pour kolekte zot bann parsel.
I anan en kantite sanzman ki pe ganny fer avek Divizyon Customs pou moderniz li osi byen ki avek lezot fasilite ki ganny ofer, P.S Mangroo inn fer remarke ki Minister pe revwar tou bann fre ki sa Divizyon pe ofer.
Bann servis kouriye pe ganny konseye pou servi zot ‘pre-payment account’ ki zot deza anan avek Customs pou fer sa peyman SR100 pour zot klian, e ki zot klian I ranbours zot apre.
Dan en rankont ki Departman Komers inn fer avek bann lazans kouriye, P.S Mangroo inn dir ki zot ti enform sa bann kouriye pour pa fer zot klian vinn erport pou kolekte zot bann parsel. Me sa pann leka, akoz kliyan inn ganny demande pou al erport e sa inn fer serten konfizyon e konzesyon. Departman Komers, son bann partener e servis kouyiye I an diskisyon pou rod en meyer fason pou rezourd sa problem osito posib.
Sa SR100 kou ladministrasyon I form parti bann revizyon ki servis ladwann pe fer dan kou son bann servis ki pour enkli osi Bill of Entry.